Sommer iets van 'n paar maande gelede wat vandag aanhoudend by my spook.
staan jy in ‘n veld vol van gister se onthou
jou loodswaar kop geboë na die grond
steek die vlak gevoelens in jou diep-donker oë vir my weg
jy hou wag oor die kom en gaan van die seisoene
terwyl die herfsblare teen jou verlamde lyf vaswaai
en ek soekend op die grond na vergifnis tas
in die skadu van jou kruis-kloon-silhouette
jy stap sonder spore geanker op een plek
harteloos by my verby
ek kniel op die grond met ‘n hand vol strooi
en wonder was jy net so kléin bietjie lief vir my
(c) 07.05.2009
No comments:
Post a Comment